Soodeli, nach 5 Wuche han echs doch au no gschafft, min Blog is lebe zrüeffe.., immerhin.. 🙂

Aber während minere Ziit i de USA hani immer so vell um d Ohre gha, ben vo eim Ort an andere greist, und nie würkli Ziit gfunde zum Anehocke und schriibe.. Ech han so vell gmacht und gseh sitt ech gange ben: San Diego, San Francisco, Los Angeles, Las Vegas, Grand Canyon, Maui, Oahu… ez gett en Huufe z brichte und ech versprich eu, ech wird i de nächste Paar Täg und Wuche Föteli und Bricht us dere Ziit uelade.. 🙂 Schliessli musi eu all ja chli niidisch mache.. 😉

Nach dem sech de Corinne und min Weg am Samstig in Honolulu trennt hend, ben ech guet im heisse Perth (und sie i de chalte Schwiiz) acho. Mini Gasteltere, d Claire und de Rory hend mech u herzlich in Empfang gno, und d Meitli (Trudy, Bronte und Celeste) hends chum chöne erwarte mech höt zgseh und hend mi au scho voll in Aspruch gno. Nach eim Tag fühl ech mech scho mega wohl da, und d Claire het höt gmeint, ech segi scho Teil vo de Familie worde, und genau so fühl ech mech.. 😉 D Chend send sehr Energie glade, ech han also en Heruseforderig die nächste 4 Mönet.:)

Sodeli, das wärs mal förs erste, ech mues no chli Schlaf nahole… 🙂 Ich probier eu chli ufem Laufende zbhalte, bis glii weder.:)